Үйлчилгээний нөхцөл

1. Ерөнхий заалт

1.1 Энэхүү үйлчилгээний нөхцөлд өөрчлөлт, шинэчлэлт хийгдсэн тохиолдолд Toki аппликэйшнээр эсвэл веб сайт, сошиал хаягаараа дамжуулан хэрэглэгчид мэдээлэл хүргэнэ.

1.2 Toki нь Үйлчилгээний нөхцөлд өөрийн санаачилгаар хэдийд ч нэмэлт, өөрчлөлт оруулж болох ба шинэчлэл, өөрчлөлтийн талаарх мэдээлэл хүргэсний дараа хэрэглэгч үйлчилгээг үргэлжлүүлэн ашиглаж байгаа тохиолдолд эдгээр шинэчлэлт, өөрчлөлтүүдийг дагаж мөрдөхийг хүлээн зөвшөөрсөнд тооцно. 

1.3 Toki аппликэйшн нь үзүүлж буй үйлчилгээ, бүтээгдэхүүний бүх зохиогчийн эрх, барааны тэмдэг, домэйн нэр, лого, худалдааны дүр төрх, худалдааны нууц, патент болон бусад оюуны өмчийн эрхийг эзэмшдэг болно. 

1.4 Хэрэглэгч Toki аппликэйшнийн Цахим мөнгөний гэрээг байгуулаагүй буюу бүртгэл нь бүрэн баталгаажаагүй тохиолдолд үүссэн аливаа асуудал, маргааныг энэхүү үйлчилгээний нөхцөлөөр шийдвэрлэнэ. 

1.5 Хэрэглэгч Toki аппликэйшний үйлчилгээг зөвшөөрөлгүйгээр хуулбарлах, өөрчлөх, бусдад дамжуулах, эрх олгох, шилжүүлэх, системд зөвшөөрөлгүй нэвтрэх, тохиргоо хийх, үйлчилгээнд гаднаас нөлөөлөх, хэрэглэгчийн мэдээллийг зөвшөөрөлгүйгээр цуглуулах, үйлчилгээг худалдах, түрээслэх, төлбөр авах зэргийг хориглоно. 

1.6 Хэрэглэгч Toki аппликэйшнийн үйлчилгээний нөхцөлийг хүлээн зөвшөөрснөөр хэрэглэгчийн овог нэг, IBAN дугаар зэрэг мэдээллийг Монголбанкны Дансны нэгдсэн сан руу нийлүүлэхийг зөвшөөрч байгаа болно. 

2.Бүртгэлтэй холбоотой 

2.1 Toki нь Toki аппликэйшнийг хууль бусаар ашиглан, бусдыг гүтгэсэн, айлган сүрдүүлсэн, арьс өнгө, шашин шүтлэгээр ялгаварласан эсхүл гэмт хэрэг үйлдэхэд нь дэмжих, өдөөн хатгах, худал, ташаа мэдээлэл оруулах, хууран мэхэлсэн мэдэгдэл гаргах, өөр хэн нэгний дүрд хувирах, залилангийн шинжтэй гүйлгээ хийх зэргээр хууль бус болон зүй бус, Гэрээ, Үйлчилгээний нөхцөл зэргээр хийхийг хориглосон үйлдэл хийсэн тохиолдолд хэрэглэгчийн бүртгэл, хэтэвч ашиглалтыг хязгаарлах эрхтэй байна. 

2.2 Бүртгэл үүсгэхтэй холбоотой өөр этгээдийн нэр ашиглах, түр и-мэйл хаяг болон утасны дугаар бүртгүүлэх эсхүл өөрийн нэр дээр нэгээс олон тооны бүртгэл үүсгэх, данс удирдахыг хориглоно. 

2.3 Бизнесийн байгууллагын нэр хүндэд халдах, айлган сүрдүүлэх, заналхийлэх, залилангийн шинжтэй гэж үзэх үндэслэл бүхий төлбөр, мөнгө илгээх эсхүл хүлээн авахыг хориглоно. 

2.4 Toki Credit, Гар утас, Зогсоолын төлбөр зэрэг зээл, дараа төлөх нөхцөлийг санал болгодог үйлчилгээний хүрээнд аливаа зээлийн үлдэгдэлтэй, төлбөрийн авлагатай тохиолдолд зээл болон авлагын үлдэгдлийг хэрэглэгч бүрэн барагдуулсан тохиолдолд бүртгэлээ устгах боломжтой байна. 

2.5 Хэрэглэгч Toki аппликэйшн доторх хэрэглэгчийн бүртгэл устгах сонголтыг ашиглан хэдийд ч бүртгэлээ устгах боломжтой. Ингэхдээ “МӨНГӨ УГААХ БОЛОН ТЕРРОРИЗМЫГ САНХҮҮЖҮҮЛЭХТЭЙ ТЭМЦЭХ ТУХАЙ” хуульд заасны дагуу хэрэглэгчийн хийсэн гүйлгээ, данс болон хэрэглэгчийн талаар энэ хуульд заасны дагуу олж авсан мэдээлэл, баримт бичгийг тухайн бүртгэлт устсан, эсхүл гүйлгээ хийгдсэнээс хойш таваас доошгүй жилийн хугацаанд хадгална. https://help.toki.mn/mon/main_set/006 

2.6 Энэхүү үйлчилгээний нөхцөлийн 2.5-д заасан мэдээлэл, баримт бичгийг эрх бүхий хууль сахиулах байгууллагын хүсэлтээр гаргаж өгөх боломжтой. 

2.7 Хэрэглэгч Toki аппликэйшн доторх хэрэглэгчийн бүртгэл устгах сонголтыг ашиглалгүй зөвхөн төхөөрөмж дээрх Тоki аппликэйшнийг устгасан тохиолдолд хэрэглэгчийн мэдээлэл устгагдахгүй хадгалагдсан хэвээр байна. 

3. Мэдээллийн нууцлал болон аюулгүй байдал

3.1 Тоki аппликэйшнийг ашиглаж байгаа тохиолдолд хэрэглэгчийн нэр, утасны дугаар, регистрийн дугаар, байршлын мэдээлэл, и-мэйл хаяг зэрэг мэдээллийг хэрэглэгчийн зөвшөөрлийг авсны үндсэн дээр хувийн мэдээлэл хадгалагдаж буй төрийн нэгдсэн мэдээллийн платформ буюу E-Mongolia платформ, ДАН болон ХУР системээс татаж авах бөгөөд эдгээр мэдээллийг “Хүний хувийн мэдээлэл хамгаалах тухай хууль”-ийн хүрээнд ашиглах болно. 

3.2 Хэрэглэгч энэхүү үйлчилгээний нөхцөлийг зөвшөөрснөөр Toki аппликэйшн болон түүний холбоо хамаарал бүхий компаниудад дараах зөвшөөрлийг өгч байгаа болно. Үүнд: 

• • • Хэрэглэгчийн мэдээлэл ашиглан үйлчилгээ үзүүлэх; 

• • • Зах зээлийн судалгаа шинжилгээ хийх; 

• • • Бүтээгдэхүүн, үйлчилгээний мэдээ, мэдээлэл хүргэх. 

3.3 Toki аппликэйшн дотор байрлах мини программууд хэрэглэгчээс нэмэлт зөвшөөрөл авах тохиолдол байж болох бөгөөд гуравдагч байгууллагатай хамтарсан мини программ байгаа тохиолдолд хэрэглэгчийн зөвшөөрлийн дагуу мэдээллийг гуравдагч этгээдэд дамжуулна. 

3.4 Хэрэглэгчийн хувийн мэдээллийг бусад этгээдэд задруулахгүй байх үүрэг хүлээх хэдий ч хууль, тогтоомж болон гэрээнд заасан үндэслэлээр төрийн эрх бүхий байгууллага болон хэрэглэгчид үзүүлэх үйлчилгээг сайжруулахтай холбоотойгоор гуравдагч этгээдэд дамжуулж болно.  

3.5 Хэрэглэгч Toki аппликэйшнийн үйлчилгээний нөхцөлийг хүлээн зөвшөөрснөөр хэрэглэгч өөрийн хувийн мэдээллийг E-Mongolia платформ, ДАН болон ХУР системээс татахыг Toki-д зөвшөөрч байгаа болно. 

3.6 Toki нь мэдээллийн аюулгүй байдлын удирдлагын олон улсын ISO/IEC 27001:2022 стандартыг хэрэгжүүлэн ажиллаж, хэрэглэгчийн хувийн мэдээллийн нууцлал, бүрэн бүтэн байдал болон хамгаалалтыг хангана. 

4. Цахим хэтэвч, төлбөрийн тухай 

4.1 Toki хэтэвч гэдэг нь Toki аппликэйшний хэрэглэгчид зориулсан төлбөрийн арга хэрэгсэл юм. 

4.2 4 нас хүрсэн, Монгол улсын иргэн Toki хэтэвч ашиглах боломжтой байна. 

4.3 Toki хэтэвч нь мөнгө хүлээн авах, төлбөр тооцоо хийхтэй холбоотойгоор валют болон хүүгийн ханш буурах зэргээс үүдэлтэй аливаа эрсдэлийг хариуцахгүй болно. 

4.4 Хэрэглэгч Toki хэтэвч дэх үлдэгдлээ зарцуулах, шилжүүлэх эрхтэй бөгөөд үлдэгдэл хүрэлцэхгүй тохиолдолд аппликэйшн дэх бусад төлбөрийн арга хэрэгслийг ашиглан дансаа цэнэглэх боломжтой. 

4.5 Toki аппликэйшнийн Цахим мөнгөний гэрээ байгуулаагүй тохиолдолд хэрэглэгчийн бүртгэл бүрэн баталгаажаагүй гэж үзэж дараах нөхцөлөөр үйлчилгээ үзүүлнэ. Үүнд: 

• • • Өдрийн гүйлгээний дээд хязгаар: Төлбөрийн системийн журам-д заасны дагуу 

• • • Toki хэтэвчний дээд үлдэгдэл: Төлбөрийн системийн журам-д заасны дагуу 

4.6 Хэрэв хэрэглэгч бүртгэлээ бүрэн баталгаажуулж, Цахим мөнгөний гэрээ байгуулсан тохиолдолд үйлчилгээг дараах нөхцөлтэйгөөр үзүүлнэ. (16-с дээш насны Монгол улсын иргэн байна) 

• • • Нэг удаагийн гүйлгээний дээд хязгаар: Төлбөрийн системийн журам-д заасны дагуу 

• • • Өдрийн гүйлгээний дээд хязгаар: Төлбөрийн системийн журам-д заасны дагуу 

• • • Toki хэтэвчний дээд үлдэгдэл: Төлбөрийн системийн журам-д заасны дагуу 

• • • Нэг сарын QPay шилжүүлэг төрлийн QR-ийн гүйлгээний дээд хязгаар: 10,000,000 /Арван сая/ төгрөг 

• • • Нэг өдрийн зарлагын гүйлгээний дээд дээд хязгаар: 10,000,000 /Арван сая/ төгрөг 

4.7 Хэрэглэгч 100,000₮ хүртэлх гүйлгээг хийхдээ гүйлгээний нууц үг оруулахгүй хийх боломжтой. 

4.8 Хэрэглэгч гүйлгээ хийхдээ өөрийн үүсгэсэн 4 оронтой гүйлгээний нууц кодыг ашиглах бөгөөд 5 удаа буруу оруулсан тохиолдолд түгжигдэх тул гүйлгээний нууц үгийг сэргээсний дараа дахин гүйлгээ хийх боломжтой. 

4.9 Хэрэглэгч өөрийн гүйлгээний нууц үгийг бусдад задруулахгүй байх үүрэгтэй бөгөөд задруулснаас үүдэлтэй аливаа хохирлыг хэрэглэгч бүрэн дангаар хариуцна. 

4.10 Хэрэглэгч Toki аппликэйшнийн Face ID болон Finger print-ээр төлбөр төлөлтийг баталгаажуулсан тохиолдолд үүнийг гүйлгээний нууц кодтой адил баталгаажуулалт гэж үзнэ. 

4.11 Хэрэглэгч өөрийн зөвшөөрөлгүй төлбөрийн үйлчилгээ хийгдсэн, эсхүл хийгдсэн байж болзошгүй тухай мэдээллийг нэн даруй Toki-д мэдэгдэх үүрэгтэй бөгөөд Toki-с энэ тохиолдолд нэвтрэх эрхийн нууц үгийг яаралтай солихыг зөвлөх, шаардлагатай бол хэрэглэгчийн дансыг түр хугацаагаар хаах арга хэмжээ авна. 

4.12 Toki системийн доголдлоос үүдэн үүссэн давхар, буруу эсвэл алдаатай гүйлгээг хэрэглэгчийн зөвшөөрөл шаардахгүйгээр залруулах, засварлах эрхтэй болно.  

5. Төлбөр тооцоо

5.1 Toki-с хэрэглэгчийн шаардлагаар тухай бүр төлбөр тооцоог гүйцэтгэнэ. 

5.2 Өдөр тутмын эсхүл захиалгад суурилсан төлбөр төлөх, Автомат төлөлтийн арга хэрэгслийг Toki-с тухай бүр санал болгож болно. Энэ тохиолдолд хэрэглэгчийг дараах нөхцөлийг санал болгосон арга хэрэгслийг хүлээн зөвшөөрсөн гэж үзнэ. Үүнд: 

• • • Тухайн худалдан авалт, төлбөр төлөлтийг хэрэглэгч өөрөө хийж байна гэж үзнэ. 

• • • Хэрэглэгчийн сонгосон харилцагч банкны систем дэх төлбөрийн хэрэгслийн мэдээллийг хадгалж хэрэглэгчийн тогтоосон хугацаанд холбогдох төлбөрийг автоматаар хийх зөвшөөрлийг бидэнд олгосон гэж үзнэ. Тухайн автоматаар хийх зөвшөөрлийг хэрэглэгч хэзээд ч өөрийн бүртгэлээрээ нэвтэрч цуцлах болон өөрчлөх боломжтой байна. 

• • • Хэрэв хэрэглэгчийн сонгосон төлбөрийн хэрэгслээр хийсэн төлбөрийг аливаа шалтгаанаар зөвшөөрөөгүй, татгалзсан, буцаасан бол бид төлбөр амжилттай хийгдэх хүртэл Toki аппликэйшнийн холбогдох бүтээгдэхүүн, үйлчилгээг үзүүлэхгүй, түр зогсоож болох бөгөөд ийнхүү төлбөрийг зөвшөөрөөгүй, татгалзсан, буцаасантай холбоотойгоор Toki-д учирсан аливаа төлбөр, хохирол, зардлыг хэрэглэгч хариуцах болно. 

5.3 Toki аппликэйшнийн холбох боломжит карт нь Монгол улсын карт гаргагчаас гаргасан бүх төрлийн карт, Гадаад улсад гаргасан олон улсад төлбөр хүлээн авах боломжтой Master, VISA, Union Pay, Amex, JCB төлбөрийн картууд байна. 

5.4 Хэрэглэгчийн холбосон картын нэр нь Toki апп-д бүртгэлтэй нэртэй ижил байхыг шаардахгүй болно. 

5.5 Карт холбоход картын дугаар, карт эзэмшигчийн нэр, картын хүчинтэй хугацаа, CVV кодыг үнэн зөв оруулж, карт гаргагчийн 3DS (Интернэт Пин код, нэг удаагийн нууц үг гэх мэт)-ээр баталгаажуулна. 

5.6 Монгол улсын карт гаргагчаас гаргасан картаар Toki аппликэйшнээр дамжуулан хийгдсэн худалдан авалтын гүйлгээний валют нь ТӨГРӨГ байна. 

5.7 Toki аппликэйшнээр U-Point оноог цуглуулах болон зарцуулах боломжтой байх ба төлбөр тооцооны нэг хэлбэр гэж үзнэ. 

5.8 Toki аппликэйшнээр аливаа үйлчилгээний төлбөрийг төлөхөд тухайн үйлчилгээний онцлог, үйлчилгээ үзүүлэгчээс хамааран НӨАТ-ын баримтыг үйлчилгээ үзүүлэгч буюу гуравдагч этгээд гаргадаг болно. 

5.9 Toki үйлчилгээний шимтгэлийг доор хүснэгтэд заасны дагуу тооцох ба гүйлгээ хийх агшинд хэрэглэгчийн Toki хэтэвчнээс автоматаар суутган авна. 

Гүйлгээний төрөл	Гүйлгээний зорилго	Нэгж гүйлгээний шимтгэл (төгрөг)
Орлогын гүйлгээ	Мөнгөн хөрөнгийг цахим мөнгөнд хөрвүүлэн Toki дансанд хийх	0 (тэг)
Зарлагын гүйлгээ	Банк хоорондын гүйлгээний шимтгэл	200 (хоёр зуу)
Зарлагын гүйлгээ	Цахим мөнгийг мөнгөн хөрөнгөнд хөрвүүлэх шимтгэл/Цахим мөнгө хөрвүүлэлтийн шимтгэл	1% (Шилжүүлгийн дүнгийн)
Худалдан авалт	Toki данснаас төлбөр төлөх	0 (тэг)
Билл төлөлт	Toki данснаас төлбөр төлөх	0 (тэг)
Шилжүүлэг	Toki данснаас Toki дансанд шилжүүлэг хийх	0 (тэг)
Үлдэгдэл шалгах	Toki дансны үлдэгдлээ шалгах	0 (тэг)
Хуулга авах	Toki дансны хуулга авах	0 (тэг)
Тодорхойлолт авах	Toki дансны тодорхойлолт авах	1,000 (нэг мянга)

5.10. Toki-с бусад этгээдийн ажиллуулж байгаа цахим төхөөрөмжөөр шилжүүлэг хийсэн тохиолдолд Toki-c үл хамаарах нэмэлт шимтгэл төлөх боломжтой бөгөөд энэхүү нэмэлт шимтгэлийн хувьд Toki хариуцлага хүлээхгүй болно. 

6. Үйлчилгээ

6.1 Toki үйлчилгээний хүрээнд хэрэглэгч дараах үйлчилгээг авах боломжтой. Үүнд: 

6.1.1 Мөнгөн хөрөнгийг цахим мөнгөнд хөрвүүлэх, хөрвүүлсэн цахим мөнгийг өөрийн Toki цахим хэтэвчний дансанд байршуулах; 

6.1.2 Өөрийн Toki цахим хэтэвчний дансан дахь цахим мөнгийг мөнгөн хөрөнгөнд хөрвүүлэх, хөрвүүлсэн мөнгөн хөрөнгийг өөрийн холбосон банкны дансанд байршуулах; 

6.1.3 Toki апп-д өөрийн эзэмшлийн төлбөрийн картаа холбох, бүртгүүлэх; 

6.1.4 Toki апп-д өөрийн холбосон төлбөрийн картаараа төлбөр тооцоо хийх 

6.1.5 Өөрийн Toki хэтэвчний дансан дахь цахим мөнгийг бусад хэрэглэгч рүү шилжүүлэх; 

6.1.6 Toki хэтэвчний дансан дахь цахим мөнгө, өөрийн холбосон төлбөрийн карт болон бусад онлайн төлбөрийн хэрэгслүүдээр худалдан авалт хийх, төлбөр тооцоо гүйцэтгэх; 

6.1.7 Гүйлгээний нууц үг ашиглахгүйгээр хийж болох гүйлгээний лимитэд багтаан төлбөр тооцоо хийх; 

6.1.8 Toki хэтэвчний дансны үлдэгдэл шалгах 

6.1.9 Гүйлгээний хуулга авах; 

6.1.10 Хөнгөлөлт урамшуулал авах, хянах; 

6.1.11 Toki-с санал болгож буй бусад үйлчилгээнүүд. 

6.2. Хэрэглэгч Toki үйлчилгээтэй холбоотой мэдээллийг авах эрхтэй байна. 

7. Хариуцлага 

7.1 Хэрэглэгч Toki аппликэйшнд бүртгүүлэхдээ өөрийн овог, нэр, утасны дугаар, татвар төлөгчийн дугаар зэрэг хувийн мэдээллээ үнэн зөв оруулах шаардлагатай. 

7.2 Хэрэглэгч өөрийн мэдээллийг буруу болон алдаатай оруулснаас үүссэн аливаа хохирлыг Toki аппликэйшн хариуцахгүй. 

7.3 Хэрэглэгчийн утасны дугаар өөрчлөгдсөн тохиолдолд Toki аппликэйшн доторх тохиргоо цэс дэх мэдээллээ шинэчлэх үүрэгтэй. Дугаар солигдсоноос үүдэлтэй аливаа хохирлыг Toki аппликэйшн хариуцахгүй болно. 

7.4 Хэрэглэгч Toki цахим хэтэвч болон Toki аппликэйшн руу нэвтрэх нэр, нууц үг, гүйлгээний нууц код зэргийн мэдээллийн аюулгүй байдлыг хангах үүрэгтэй ба өөрийн дансаар хийж буй мөнгөн шилжүүлэг болон төлбөр төлөлт зэрэг гүйлгээтэй холбоотой бүхий л үйлдлийг хэрэглэгч бүрэн дангаар хариуцна. 

7.5 Хэрэглэгч Toki цахим хэтэвч болон Toki аппликэйшн руу нэвтрэх нэр, нууц үг, гүйлгээний нууц үг зэргийг алдсан, үрэгдүүлсэн, гээгдүүлсэн, зөвшөөрөлгүй этгээд ашигласан, гуравдагч этгээд мэдсэн байж болзошгүй гэж үзсэн, эсхүл хэрэглэгчийн зөвшөөрөлгүй төлбөрийн үйлчилгээ хийгдсэн тохиолдолд Toki-д нэн даруй мэдэгдэх үүрэгтэй ба энэхүү үүргийг биелүүлээгүйгээс үүдэн гарах аливаа хариуцлагыг дангаар хүлээнэ. 

7.6 Хэрэглэгчийн холбосон төлбөрийн карт болон карт ашиглан хийсэн бүхий л гүйлгээтэй холбоотой аливаа асуудалд Toki аппликэйшн хариуцлага хүлээхгүй болно. 

7.7 Хэрэглэгч Toki аппликэйшнийг aшиглахгүй тохиолдолд Toki аппликэйшн дээрх бүртгэл, хадгалсан картын мэдээлэл зэрэг хувийн мэдээллээ устгах үүрэгтэй ба ийнхүү устгаагүйгээс үүдэх аливаа хариуцлагыг Toki хүлээхгүй болно. 

7.8 Toki аппликэйшн нь хэрэглэгчийн мэдээлэл болон картын мэдээллийн нууцлал, аюулгүй байдал, программ хангамж, сүлжээний тасралтгүй, найдвартай, аюулгүй ажиллагааг ханган ажиллах ба алдаа гарсан үед холбогдох журмын дагуу залруулга хийж, шаардлагатай тохиолдолд хэрэглэгчид мэдээлнэ.  

7.9 Toki аппликэйшнд  бүртгүүлснээс хойш хэрэглэгч болон Toki аппликэйшнийн хүсэл зоригоос үл хамаарах шалтгаанаар (байгалийн гамшиг, төрийн эрх бүхий байгууллагын шийдвэр, хорио цээр, гоц халдварт өвчин, ажил хаялт, нийтийг хамарсан эмх замбараагүй байдал, үймээн самуун, зэвсэгт мөргөлдөөн, дайн, террорист хадлага, улс орныг хамарсан түлш, эрчим хүчний хязгаарлалт, бүх нийтийг хамарсан сүлжээний хэт ачаалал, доголдол тасалдал зэрэг болон эдгээр хязгаарлагдахгүй нөхцөл байдлууд) гэнэтийн давагдашгүй шинжтэй нөхцөл байдлын улмаас гэрээгээр хүлээсэн үүргээ биелүүлээгүй буюу зохих ёсоор биелүүлээгүй тохиолдолд хариуцлага хүлээхгүй. 

7.10 Хэрэглэгч Toki аппликэйшн болон гуравдагч этгээдийн хамтран үзүүлдэг үйлчилгээтэй холбоотой гуравдагчаас шалтгаалан үүссэн аливаа асуудлыг Toki аппликэйшн хариуцахгүй болно. 

7.11 Хэрэглэгчийн худалдан авсан бараа үйлчилгээний чанар, бүрэн бүтэн байдал, сэтгэл ханамж зэрэгт Toki аппликэйшн хариуцлага хүлээхгүй. 

7.12 Хэрэглэгч нь Toki талаас шууд зөвшөөрөл олгосноос бусад тохиолдолд зохиогчийн эрх, барааны тэмдэг, домэйн нэр, лого, худалдааны дүр төрх, худалдааны нууц, патент болон бусад оюуны өмчийн эрхийг ашиглах эрхгүй тул энэхүү заалтыг зөрчсөн тохиолдолд хариуцлага хүлээх үндэслэл болно. 

8. Маргаан шийдвэрлэх

8.1 Хэрэглэгч үйлчилгээний маргааныг шууд шийдвэрлэх боломжгүй байгаа бол Toki аппликэйшнд маргаан шийдвэрлүүлэх хүсэлт гаргах боломжтой. Ийнхүү хүсэлт гаргаснаар үйлчилгээ үзүүлэгчийн Гомдол шийдвэрлэх журмын дагуу шийдвэрлэнэ. 

8.2 Хэрэглэгч Toki үйлчилгээтэй холбоотой аливаа санал, гомдлыг дараах сувгаар холбогдон шийдвэрлүүлж болно. Үүнд:  

8.2.1. Toki аппликэйшн 

8.2.2. Мэйл хаяг: info@toki.mn 

8.2.3. Утасны дугаар: 18004477

8.3 Хэрэв хэрэглэгч төлбөр хүлээн авагчтай зөвшилцөлд хүрээгүй мөн төлбөр сааталт, төлбөрийн программын доголдолтой холбоотой бол Toki аппликэйшн нь Монгол дахь төлбөрийн гүйлгээний хувьд Монголбанкны “Үндэсний цахим гүйлгээний төвийн төлбөрийн картын сүлжээний дүрэм”-ийн 5-р бүлэг “Маргаан шийдвэрлэх зарчим”-т заасны дагуу шийдвэрлэнэ. 

 

Шинэчлэгдсэн огноо: 2025.10.01