Toki чатын тухай таны заавал мэдэх ёстой зүйлс

Хэдхэн хоногийн өмнө нээлтээ хийгээд буй “Танд тусална” уриатай Toki апп аль хэдийн үнэнч хэрэглэгчидтэйгээ уулзаад амжжээ. Иймд бид өхөөрдөм хөөрхөн Toki-ийн хэрэглэгч нартаа зориулаад апп-аа бүрэн зураглахуйц, үйлчилгээ бүрийнх нь тухай цуврал нийтлэлээ ийнхүү эхлүүлж байна.  

Та гар утсан дээрээ Toki апп-аа татчихаад хэрхэн чатлахаа мэдэхгүй, жаахан эргэлзээд байгаа юм биш биз. Тэгвэл энэ удаагийн нийтлэлд анхаарлаа хандуулаарай. 

Toki-оор чатлах нь

Toki апп-аар хэрхэн чатлах вэ?

 “Шинэ мессэж” icon дээр дарж найзууд дундаасаа сонгох эсвэл дугаараар хайж сонгон чат эхлүүлнэ.  

Toki апп-ийн чат ямар давуу талтай вэ?

  • Хүссэнээрээ чатал: Юнителийн хэрэглэгч Toki аппийг ашиглахад дата ХЯЗГААРГҮЙ тул хүссэнээрээ чатлаарай.  
  • Байршил илгээх: Өөрийн байгаа байршилаа бусадтай хуваалцах эсвэл сонгосон байршлыг илгээх боломжтой.  
  • Уулзалт төлөвлөх: Найзтайгаа уулзах уулзалтаа товлож он, сар, өдрөө тохируулан хүсэлт явуулах боломжтой . Найз тань явна, магадгүй, явахгүй гэсэн хариултаас сонгон илгээнэ. 
  • Мессэжээ устгах: 5 секундээс 48 цаг хүртэлх хугацаанд цагаа тохируулан мессэжээ илгээх бөгөөд тухайн мессэжийг уншсаны дараа тохируулсан хугацаа болоход мессэж устана. Мессэжийг хүлээн авагч мессэжээ уншсаны дараа устах хугацаа явж эхэлнэ  
  • Мөнгө шилжүүлэх: Чаталж байхдаа шууд мөнгө илгээх боломжтой. 
  • Мөнгө нэхэмжлэх: Чаталж байхдаа мөнгө нэхэмжлэх боломжтой. 
  • Бэлэг илгээх: Хэтэвчнээсээ мөнгөн хэлбэрээр бэлэг илгээж болно. 
  • Зураг зуран илгээх:  Өнгө, дүрсээ сонгон хүссэн зургаа зурж илгээх боломтжой. Мөн буруу зурвал баллуурдаж болно.  
  • Мессэжээ хадгалах: Их чаталсны дараа мессэж олдохгүй хэцүү асуудал тулгардаг. Тэгвэл хүссэн мессэжээ хадгалснаар энэ асуудлыг шийдэж болох юм.   
  • Файл илгээх: Өөрийн утсан дээрх файлуудаас сонгон илгээх боломжтой 
  • Дугаар илгээх: Утсан дээрээ хадгалсан дугаараа бусдад илгээх боломжтой.  
  • Стикерийн дэлгүүртэй: Өөр ямар ч чатанд байхгүй, монгол хэл дээр бичигдэж, содон байдлаар зурагдсан стикерүүдээс сонгон хэрэглэх боломжтой. Бид стикерүүдээ нэмсээр л байх болно 
  • Камераа ашигла: Чатанд байх камерийн товчлуур дээр даран зураг авч явуулах, текст бичих, удаан дарж бичлэг хийн найздаа илгээх боломжтой. 
  • Дуудлага хийх: Та найз руугаа Тоki-гоор залгахаас гадна шууд Юнителийн дугаар руу нь залгах боломжтой 
  • Видео дуудлага хийх: Найзтайгаа дүрсээ харан ярилцах боломжтой.  
  • Voice record хийх: Дуу хоолойгоо бичлэг хийн илгээгээрэй. Рекорд товчлуураа зүүн тийш хөдөлгөн болих, дээш хөдөлгөн түгжих боломжтой. 

Toki апп-аар хэрхэн хэн нэгнийг “Ignore” буюу үл тоох вэ?

  1. Тухайн хүний чат руу орно 
  2. Чаталж буй хүнийхээ нэрэн дээр дарна 
  3. “Чат үл тоох” хэсгийг сонгоно 
  4. Ингэснээр цаашид тухайн хүн тань руу бичиж болох ч таны чат дунд харагдахгүй. 
  5. Хэрэв та “Үл тоох” болсон чатаа харахыг хүсвэл: 

          – Нүүр хэсэг рүү орж “Найзууд” цэс рүү орно 

          – Баруун дээд буланд байрлах хавтас руу орно 

          – Ангилсан чатууд буланд таны үл тоосон чат байх болно 

Харин “Үл тоох” болгосон найз руугаа мессэж бичвэл үл тоохоо болино.

Toki апп-аар хэрхэн чат “Мute” буюу мэдэгдэл хаах вэ?

  1. Тухайн чат руу орно
  2. Чаталж буй хүн эсвэл группийн нэрэн дээр дарна 
  3. “Мэдэгдэл хаах” хэсгийг сонгоно 
  4. Мэдэгдэл хаахдаа хугацаагаа 1 цаг, 8 цаг, 24 цаг, намайг нээх хүртэл гэсэн сонголтуудаас сонгоно 
  5. Ингэснээр цаашид тухайн хүн танруу бичихэд танд мэдэгдэл ирэхгүй 

Toki апп-аар хэрхэн чат цэвэрлэх вэ?

  1. Тухайн чат руу орно 
  2. Чаталж буй найз эсвэл группын нэрэн дээр дарна 
  3. “Чат цэвэрлэх” хэсгийг сонгоно 
  4. “Цэвэрлэх” гэж дарна 
  5. Ингэснээр тухайн чатын түүх цэвэрлэгдэнэ. Энэ зөвхөн таны хувьд гэдгийг анхаарна уу 

Toki апп-аар хэрхэн чат устгах вэ?

  1. Тухайн чат руу орно 
  2. Чаталж буй найз эсвэл группийн нэрэн дээр дарна 
  3.  “Чат устгах” хэсгийг сонгоно 
  4. “Устгах” гэж дарна 
  5. Ингэснээр тухайн чат устана. Энэ нь зөвхөн таны хувьд гэдгийг анхаарна уу 

Toki апп-аар хэрхэн бичсэн үгээ чатаас хайлт хийх вэ?

Чатад бичсэн олон мессэжнүүдээ дээш гүйлгэхгүйгээр бичсэн үгээрээ хайлт хийх боломжтой.  

  1. Тухайн чат руу орно 
  2. Чаталж буй найз эсвэл группын нэрэн дээр дарна 
  3. “Чатаас хайх” хэсгийг сонгоно 
  4. Чатаас хайх үгээ оруулан хайна 
  5. Ингэснээр тухайн үг дурдагдсан мессэжүүд гарч ирнэ 

Toki апп-аар хэрхэн хэн нэгнийг блоклох вэ?

  1. Тухайн чат руу орно 
  2. Чаталж буй хүнийхээ нэрэн дээр дарна 
  3. “Блок” хэсгийг сонгоно 
  4. Блоклохыг зөвшөөрч байна гэсэн сонголтыг хийснээр тухайн блок хийсэн хэрэглэгч ахин таньтай холбогдож чадахгүй 

Toki апп-аар хэрхэн блок хийснээ болиулах вэ?

  1. Тухайн хүний чат руу орно 
  2. “Блок гаргах” хэсгийг сонгоно.
  3. Ингээд тухайн хэрэглэгч тантай холбогдож болно. Гэхдээ дахин чатлахын тулд эхлээд холболт үүсгэх шаардлагатай 

Toki апп дээр хэрхэн групп чат үүсгэх вэ?

Та дараах 2 хэлбэрээр 250 хүртэлх гишүүнтэй групп чат үүсгэх боломжтой:

Сонголт 1:

  1. “Шинэ мессэж” icon дээр дарж ороод “Шинэ групп үүсгэх” цэсийг сонгоно
  2. Группт нэмэх найзуудаа сонгоод “Дараах” товчийг дарж үүсгэнэ

Сонголт 2:

  1. Групп нэмэх найзынхаа чат руу орно
  2. Сонгосон найзынхаа нэрэн дээр дарна
  3. “Гишүүн нэмэх” хэсгийг сонгоно
  4. Нэмэх найзуудаа сонгоод “Дараах” товчийг дарж үүсгэнэ

Toki апп чатаар хэрхэн "Байршлаа илгээх" вэ?

Та өөрийн чатлаж буй хүнд эсвэл группт байршилаа илгээхдээ:

  1. Тухайн чат руу орно
  2. “+” товч дээр дарж орооп “Байршил”-ыг сонгоно
  3. Байршилаа 2 сонголтоор оруулах боломжтой

– “Байршил шууд дамжуулах” буюу Live Location: өөрийн байршилаа тодорхой хугацааны турш илгээх ба таны байршил өөрчлөгдөхөд автоматаар шинэчлэгдэнэ

– “Сонгосон байршлыг илгээх”: газрын зургаас дурын газрыг сонгон тэмдэглэж илгээх

Toki апп чатаар "Төлөвлөгөө" үүсгэн уулзалт товломоор байна уу?

Toki чатаар төлөвлөгөө боловсруулахдаа:

  1. Тухайн эсвэл группийн чат руу орно
  2. “+” товч дээр дарж ороод “Төлөвлөгөө” -г сонгоно
  3. Он сар өдрөө тохируулаад “Болсон” товчийг дарна
  4. Хугацаа тохируулан цааш үргэлжлүүлнэ
  5. Төлөвлөгөөгөө нэрлэн хадгалснаар тухайн хүнд уулзалтын тов очно
  6. Та нэмж байршил оруулах эсвэл төлөвлөгөөгөө өөрчлөх боломжтой
  7. Төлөвлөгөөнд “Явна, Магадгүй, Явахгүй” гэсэн хариултууд өгөх боломжтой

Байршил тогтоогч буюу Location service-ээ хэрхэн нээх вэ?

Та Android үйлдлийн системтэй утастай бол

1. settings >> 2.location service >> 3. Off-г Оn болгон нээх боломжтой.

IOS үйлдлийн системтэй утастай бол

1 .settings >> 2.privacy >> 3.location service >> 4.off-г on болгон нээнэ.

Toki апп дээр Хэрхэн “Устдаг мессэж” бичих вэ?

  1. Тухайн чат руу орно
  2. “+” товч дээр дарж ороод “Устдаг мессэж”-г сонгоно
  3. Хугацааны сонголтууд: 5 сек, 10 сек, 30 сек, 1 мин, 5 мин, 10 мин, 30 мин, 1 цаг, 6 цаг, 12 цаг, 1 өдөр, 2 өдөр
  4. Мессэжийг хүлээн авагч мессэжээ уншсаны дараа устах хугацаа явж эхэлнэ.
  5. Тухайн мессэжийг уншсаны дараа тохируулсан хугацаа дуусвал мессэж устана.

Toki апп чатаар хэрхэн "Мөнгө шилжүүлэх" вэ?

Хэрвээ та Toki App чатаар найзтайгаа чаталж байхдаа мөнгө шилжүүлэх бол:

  1. Тухайн чат руу орно
  2. “+” товч дээр дарж ороод “Шилжүүлэх”-г сонгоно
  3.  Үнийн дүнгээ оруулна. 100₮-с дээш үнийн дүнтэй байх ёстойг анхаарна уу.
  4. Үнийн дүнгийн доор гүйлгээний утга оруулж болно
  5.  Цааш үргэлжлүүлэх гэсэн товчинд дарна
  6.  Гүйлгээний нууц үгээ хийн шилжүүлнэ

Toki апп чатаар хэрхэн мөнгө "Нэхэмжлэх" вэ?

Хэрвээ та Toki App ашиглан найзаасаа мөнгө нэхэмжлэх бол:

  1. Тухайн чатруу орно
  2.  “+” товчинд дээр дарж ороод “Нэхэмжлэх”-г сонгоно.
  3. Үнийн дүнгээ оруулна. 100₮-с дээш үнийн дүнтэй байх ёстойг анхаарна уу.
  4. Үнийн дүнгийн доор гүйлгээний утга оруулж болно
  5.  Цааш үргэлжлүүлээд “Зөвшөөрөх” товчийг дарснаар нэхэмжлэх илгээнэ
  6. Найз тань зөвшөөрвөл таны мөнгө ирэх болно

Toki апп чатаар хэрхэн "Бэлэг" илгээх вэ?

Танай найзын ямар нэгэн тэмдэглэлт баяр юм биш биз? Хэрвээ та Toki App ашиглан найздаа мөнгө илгээхийг хүсвэл:

  1. Тухайн чатруу орно
  2.  “+” товчинд дээр дарж ороод “Бэлэг”-г сонгоно.
  3. Үнийн дүнгээ оруулна. 100₮-с дээш үнийн дүнтэй байх ёстойг анхаарна уу
  4.  Үнийн дүнгийн доор гүйлгээний утга хэсэгт мэндчилгээ үгс оруулж болно
  5.  Гүйлгээний утганы доорх Үйл явдал хэсэг дэр “Бэлэг, Төрсөн өдөр, Баяр хүргэе, Аз жаргал хүсье, Сайн сайхныг хүсье” гэсэн утгануудаас сонгон дотнын хүмүүсээ баярлуулаарай.

Toki апп чатаас хэрэгтэй мессэжээ хадгалж авмаар байна уу?

  1. Хэрвээ та найзтайгаа чухал мессэж бичиж байгаад дараа нь хайж олоход амар байхын тулд мессэжээ хадгалах үйлчилгээ авмаар байвал:
  2. Та өөрийн хадгалах гэж байгаа мессэжин дээр удаан дарна
  3. Доор байрлаж байгаа Таван хошуу дээр дархад таны “Хадгалсан мессэж”-д орох болно.

Toki апп чатаар хэрхэн "Зураг зурж" найзруугаа илгээх вэ?

  1. Тухайн чат руу орно
  2.  “+” товчинд дээр дарж ороод хажуу тийш гүйлгэн “Зурах”-г сонгоно
  3.  Хүссэн өнгө, дүрсээ сонгон зураг зурна
  4.  Доод буланд байрлах “Илгээх” шар товчийг дарна

Тoki апп чатаас “Хадгалсан мессэж”-ээ хэрхэн харах вэ?

Та дээрх зааврын дагуу мессэжээ хадгалсан бол 2 хэсгээс харах боломжтой:

  1. Тухайн найзынхаа чатруу орно
  2. “+” товчинд дээр дарж ороод хажуу тийш гүйлгэн “Хадгалсан мессэж”-г сонгоно
  3. Хадгалсан мессеэжээ хүнд илгээх бол “илгээх” товчинд даран найзруугаа явуулах боломжтой
  4. Мөн таны хадгалсан мессэжүүд нүүр хэсгийн “Хадгалсан мессэж” хэсэгт байгаа

Toki апп дээр хэрхэн "Файл" илгээх вэ?

Та өөрийн утсан дээрх Файлаа найздаа илгээх бол:

  1.  Тухайн найзынхаа чатруу орно
  2.  “+” товчинд дээр дарж ороод хажуу тийш гүйлгэн “Файл”-г сонгоно
  3.  Таны файл (Excel, Word, PowerPoint, PDF гэх мэт) хамгийн ихдээ 50 MB хэмжээтэй байхыг анхаарна уу.
  4.  Үүний дараагаар өөрт байгаа файлуудаас сонгон илгээнэ

Toki апп дээр чаталж буй найздаа хэрхэн утсан дээрээ хадгалсан дугаараас илгээх вэ?

  1. Тухайн найзынхаа чатруу орно
  2.  “+” товчинд дээрдарж ороод хажуу тийш гүйлгэн “Дугаар илгээх”-г сонгоно
  3.  Тухайн хүний дугаарыг сонгоно
  4.  Дээд буланд байрлах “Болсон” гэсэн товчийг дарснаар илгээнэ.

Toki апп чатаар хэрхэн "Зураг " илгээх вэ?

Та найздаа өөрийн альбом хэсгээс зураг явуулах бол:

  1. Тухайн найзынхаа чатруу орно
  2. Доор байрлах зурагны icon дээр дарж орно
  3. Өөрийн альбомоос зургаа сонгоно
  4. Сонгосон зурагтаа текст бичих, стикер нэмэх, кроплох, дээр нь зурах зэргээх өөрчлөх боломжтой
  5. “Илгээх” товчийг дарж илгээнэ

Toki апп чатаар хэрхэн "Зураг авч" илгээх вэ?

  1. Тухайн чатруу орно
  2. Доор байрлах камерны icon дээр дарж орно
  3. Өөрийн хүссэн зургаа камераар авна
  4. Авсан зурагтаа текст бичих, тайлбар бичих, стикер нэмэх, кроплох, дээр нь зурах зэргээх өөрчлөх боломжтой
  5.  “Илгээх” товчийг дарж илгээнэ

Toki апп чатаар хэрхэн "Voice Record" явуулах вэ?

  1. Тухайн найзынхаа чатруу орно
  2. “Voice” товчин дээрээ удаан дарснаар бичигдэнэ
  3. Эсвэл та “Voice”-оо дээш татвал та удаан дарах шаардлагагүйгээр бичнэ.
  4. “Voice”-оо зүүн тийш татаснаар бичлэгээ устган, илгээхээ болино
  5. Хэрвээ та Хоолойгоо бичиж дууссан бол “Илгээх” товчинд дарж илгээнэ

Toki апп чатаар хэрхэн "Стикер, GIF, Эможи" явуулах вэ?

  1. Чатлах найзынхаа чатруу орно
  2. Чат бичих хэсэгт байрлах “эможи” товчийг сонгож орно
  3. Энэ хэсэгт эможи, таны татсан стикерүүд болон GIF байрлана
  4. “Илгээх” товчинд дарж илгээнэ

Toki апп чатандаа хэрхэн "Стикер" суулгах вэ?

  1. Нүүр хэсэг рүү орж “Стикер дэлгүүр”-лүү орно
  2.  Эндээс Toki-д байрлах “Бүх стикер” болон өөрийн татаж авсан стикерийг харах боломжтой
  3. Та Toki-аар 6 нэр төрлийн нийт 90 стикерээс сонголт хийн ашиглах боломжтой <Мэдээж олон хөөрхөн стикер нэмнэ>
  4.  “Бүх стикер” дотроос өөрт таалагдсан стикрээ татаж аваарай
  5.  Харин “Миний стикер” хэсгээс татсан стикерүүдээ харан болон хэрэглэдэггүй стикерээ устгаж болно
  6.  Ингээд чатлах үедээ хүссэнээрээ стикер боломжтой болно