Монголын бизнес, технологийн ертөнцөд шинэ өнгө нэмж, хэрэглэгчдэд төрөл бүрийн үйлчилгээг нэг дороос хүргэхээр чатботод суурилсан Toki апп анхдагч болон мэндэллээ.

Toki апп-ийг татсанаар 10 мянга гаруй байгууллагын мэдээллийг нэг дороос харж, тэдгээрээс өөрт хэрэгтэй үйлчилгээг сонгон, чатботоор шууд холбогдох боломжтой. Мөн апп-ийнхаа хэтэвчинд хувийн мэдээллээ нэг удаа бүртгүүлээд өөрийн авах үйлчилгээ бүрийнхээ төлбөрийг ямар ч шимтгэлгүйгээр шилжүүлээрэй.  Toki Танд тусална.

Дижитал амьдралын хэв маягийг эрхэмлэгч хэрэглэгчдийнхээ хэрэгцээнд төгс нийцэхээр Toki төслийн баг шаардлагатай сайжруулалт, шинэчлэлийг ямагт хийсээр байна.

Toki апп-аар дээрх бүх үйлчилгээг авах боломжтой. Харин яг одоогийн нөхцөл байдалд та зөвхөн цэнхэр өнгөөр тэмдэглэсэн үйлчилгээнүүдийг л сонгоорой. Учир нь COVID19-ийн улмаас зарим байгууллага үйл ажиллагаагаа явуулах боломжгүй байгааг бид бүхэн сайн мэдэж байгаа шүү дээ. Иймд тун удахгүй бүх зүйл сайхан болмогц Toki апп-ийн үйлчилгээнүүд ч бүгд хэвийн ажиллах болно.

Toki-оос онцлууштай эхний зүйл бол ЧАТЫН ҮЙЛЧИЛГЭЭ юм. Та өхөөрдөм хөөрхөн Toki-ийн төрөл бүрийн стикерүүдийг ашиглан хайртай дотны хүмүүстэйгээ чатлах боломжтой. Илүү олуулаа гэвэл групп чат үүсгэхэд л хангалттай. Үүгээр ч зогсохгүй бие биеийнхээ дуу хоолойг сонсож, аудио, видео call хийж, хэрэгтэй файлаа явуулж, байршлаа харуулж, сторигоо оруулсан ч болно.

Мөн та апп-аараа бүх операторын хэрэглэгчид рүү мессэж бичиж, Юнителийн дугаартай хэрэглэгчид рүү дуудлага хийгээрэй. Хэрэв та өөрөө Юнителийн дугаартай бол Toki-г ашиглахад дата үнэгүй шүү. Үнэхээр cool байгаа биз.

Дараагийн онцлууштай зүйл бол Toki чатбот доторх ЮУ БАЙНА хэсэг юм. Тэнд цаг агаарын мэдээ, агаарын чанарын үзүүлэлт, COVID19-ийн талаарх өдөр тутмын статистик гээд бид бүхний анхаарууштай, нэн тэргүүний мэдээ мэдээллүүд бий. Мөн ikon.mn сайтын мэдээг цаг алдалгүй, түргэн шуурхай авах боломжтой.

Үүгээр ч зогсохгүй, Toki апп дотор та бидний бяцхан үрсдээ зориулах сонсдог үлгэр төрөл бүрээрээ байгаагаас гадна найз нөхөдтэйгөө “Мааз дуудлага” хийн хөгжилдөх боломж ч бий шүү.

Онцлохгүй байхын аргагүй дараагийн нэг зүйл бол уг апп доторх таны ХЭТЭВЧ юм. Та өөрийн авсан төрөл бүрийн үйлчилгээ болон гар утас, Юнивишн, Гэр интернэтийнхээ төлбөрийг төлөх, дата авах, тэмдэглэлт баярыг тохиолдуулан хэн нэгэн рүү бэлэг бэлэглэх, мөнгө илгээх зэрэг шаардлага гарвал хэтэвчээ ашиглаад л ямар ч шимтгэлгүйгээр шилжүүлчихнэ. Ингэхийн тулд та хувийн мэдээллээ нэгхэн удаа бүртгүүлээд, хэтэвчээ цэнэглэсэн байхад л хангалттай.

Toki хэтэвч нь хэрэглээний хувьд бидний ашигладаг дижитал төлбөрийн хэрэгсэлтэй яг ижилхэн. Харин илүү ухаалаг шийдэл нь ТООЦООГОО ХУВААХ үйлдэлтэй. Хэрэв танд нэг төлбөрийг олуулаа хувааж төлөх шаардлага гарвал уг үйлдлийг хийгээд л хүнийхээ тоогоор тооцоогоо тэнцүү хуваагаад төлчихнө гэсэн үг. Энэ бол Toki-ийн нэг давуу тал. Тэр их ухаалаг шүү.

Toki нь танд хэрэгтэй төрөл бүрийн үйлчилгээг өөртөө багтааснаараа бусдаас онцгой билээ. Тэдгээрээс та өөрт хэрэгтэй үйлчилгээг сонгоход л болно. Бидний гэр ахуйн тохижилт,  өрөмдөж тогтоох үйлчилгээ, такси дуудлагаас авхуулаад уух ус, ус цэвэршүүлэгчийг хүртэл хүргээд өгнө гээд бод доо. Тэр үнэхээр тусч.